बंगालको खाडीबाट भित्रिएको जलवाष्पयुक्त हावासहित र भारतको उडिसाबाट भित्रिएको पानी पार्ने प्रणाली कमजोर बनेपछि काठमाडौं उपत्यकामा अहिले घाम लागिरहेको छ।
अहिले प्रणाली क्रमशः पूर्व सर्दै नेपालबाट बाहिरिने उपक्रममा छ। मौसम विभागका अनुसार अहिले पूर्वी मधेश र कोशीको पश्चिमी भूभागमा अहिले मध्यम वर्षा भइरहेको छ।
विभागका अनुसार खोटाङको जयराम घाटमा पछिल्लो १ घन्टामा २१.२ मिलिमिटर वर्षा भएको छ। त्यस्तै कुर्ले घाटमा २० मिलिमिटर वर्षा भएको छ।
उदयपुरको कटारीमा ५.४, मुर्कुची बजारमा ५.८ मिलिमिटर वर्षा भएको छ।
अहिले काठमाडौं उपत्यकाको खुमलटार क्षेत्रमा पनि पानी परिरहेको छ। खुमलटारमा २.४ मिलिमिटर वर्षा भएको छ। झापा र इलाममा भने तुलनात्मक रूपमा कम पानी परेको छ।
इलाममा शनिबार रातिदेखि भीषण वर्षा भएको थियो। पहिरोबाट अहिलेसम्म इलाममा ३७ जनाको मृत्यु भइसकेको छ।
-1759652787.png)
-1746009348.jpg)
