नेपाली सेनाको हेलिकप्टरले इलाममा पहिरोमा परी घाइते भएका दुई जनाको उद्धार गरेको छ।
माङ्सेबुङ गाउँपालिका-१ पारीगाउँमा रहेका दुई जना घाइतेको हेलिकप्टरबाट उद्धार गरिएको नेपाली सेनाका प्रवक्ता तथा सहायक रथी राजाराम बस्नेतले जानकारी दिए।
उनका अनुसार एक जना पुरूष र एक जना गर्भवती महिलाको उद्धार भएको हो।
उनीहरूलाई विराटनगरस्थित अस्पतालमा लगिएको छ।
इलाममा अहिलेसम्म १८ जनाको मृत्यु भएको छ।
अन्यको उद्धार तथा खोजीका लागि नेपाली सेनाको नम्बर २१ बाहिनीको टोली परिचालन भएको छ।
बाटो अवरूद्ध भएकाले सुरक्षाकर्मीहरू पैदल गएका छन्।
-1746009348.jpg)
