अविरल वर्षातपछि रोशी खोलामा आएको बाढीले बिपी राजमार्गको अस्थायी डाइभर्सन बगाएको छ। सडक डिभिजन भक्तपुरले दिएको जानकारी अनुसार रोशी गाउँपालिका–९ बोक्सिकुना खण्डमो करिब २०० मिटर डाइभर्सन रोशीले बगाएको छ।
गत वर्ष असोज १० देखि १३ गतेसम्मको बाढीले बिपी राजमार्ग कटान गरेपछि हिउँद याममा अस्थायी डाइभर्सन बनाएर यातायात सञ्चालन गरिएको थियो। शुक्रबारदेखि परेको वर्षाले रोशी गाउँपालिका–७ घुमाउनेमा १५ मिटर, नमोबुद्ध नगरपालिका–६ चौकीडाँडाका २० मिटर, रोशी गाउँपालिका–११ बुलढुंगा र डालाबेसी खण्डमा गरी २०० मिटर, पिप्लेमा करिब ५० मिटर अस्थायी डाइभर्सन कटान गरेको छ।
अहिले बिपी राजमार्ग पूर्ण रूपमा बन्द गरिएको छ। रोकिएका सवारी साधनलाई बैकल्पिक मार्ग हुँदै काठमाडौं डाइभर्ट गरिएको छ।
-1746009348.jpg)
