पर्साको छिपहरमाई गाउँपालिका–३ मा शुक्रबार बिहान एक युवक मृत फेला परेका छन्।
जयमंगलापुरस्थित झलमहिया र भिस्वा जोड्ने सडक खण्डमा २७ वर्षीय रमेश साह कानु मृत फेला परेका हुन्।
सडक छेउमा पानी जमेको धान खेतमा डुबेको अवस्थामा रमेश मृत भेटिएका थिए। नजिकै भारतीय नम्बर प्लेट (बी आर २२ ए एल १२७३) को मोटरसाइकल पनि फेला परेको छ।
घटनास्थलको प्रकृति र शवको अवस्था हेर्दा मोटरसाइकलसहित पुलबाट खसेर उनको मृत्यु भएको हुन सक्ने प्रारम्भिक अनुमान प्रहरीले गरेको छ। यकिन कारण भने अनुसन्धानपछि ल्ने जिल्ला प्रहरी कार्यालय पर्साका प्रवक्ता प्रहरी नायब उपरीक्षक (डिएसपी) हरिबहादुर बस्नेतले जानकारी दिए।
घटनास्थलमा इलाका प्रहरी कार्यालय पोखरीयाको टोली पुगेर अनुसन्धान सुरू गरेको उनले बताए।
-1746009348.jpg)
