दसैंको टीकाको दोस्रो दिन शुक्रबार पनि मान्यजनको हातबाट दुर्गाको प्रसाद स्वरूपको टीका र जमरा ग्रहण गरिँदैछ।
यो क्रम कोजाग्रत पूर्णिमाको दिनसम्म जारी रहन्छ। कतैकतै भने विजया दशमीको दिनबाटै बडादसैं सकिने पनि गर्छ।
दसैंको टीकाको दिन आफन्तकहाँ जान नभ्याइएकाहरू कोजाग्रत पूर्णिमाको दिनसम्म पुगेर टीका–जमरा र आर्शीवचन ग्रहण गर्छन्।
यसैबीच शुक्रबार पापांकुशा एकादशी पनि हो। पापांकुशा एकादशीको दिन व्रत्त, उपासना गर्नाले पापमा अंकुश लाग्ने, पापबाट मोक्ष प्राप्ति हुने जनविश्वास छ।
यस्तै, दसैं पर्व मानेर फर्कनेहरू बढ्दा काठमाडौं उपत्यकामा चपहलपहल बढेको छ। चाडपर्व मनाउन ६ लाखभन्दा बढी बाहिरिएकाले महानवमी र दशमीको दिन काठमाडौं उपत्यकाबाट सुनसानजस्तै देखिएको थियो।
-1746009348.jpg)
