स्वास्थ्य तथा जनसंख्या मन्त्रालयले नजिकिँदै गरेको चाडपर्वमा पनि निरन्तर सेवा सुविधा दिन अस्पतालहरूलाई आग्रह गरेको छ।
मन्त्रालयले विज्ञप्ति जारी गर्दै अहिलेको कठिन परिस्थितिमा अस्पताललाई सबै सेवासुविधा प्रदान गर्नका लागि आग्रह गरेको हो।
नजिकिँदै गरेको दशैं, तिहार र छठको लागि लामो बिदा हुने भएकाले स्रोत र जनशक्तिले भ्याएसम्म सबै सेवासुविधा दिन आग्रह गरिएको मन्त्रालयका प्रवक्ता डा प्रकाश बुढाथोकीले जानकारी दिए।
'आवश्यक जनशक्ति र स्रोतको व्यवस्थापन गरेर विरामीलाई सेवासुविधा दिन आग्रह गरेका छौं,' प्रवक्ता बुढाथोकीले भने, 'इमर्जेन्सी सेवा सधैं भइरहेकै हुन्छ। त्यसबाहेक अन्य सेवासुविधा पनि दिन भनेका हौं।'
अहिले अस्पतालहरूले यस बिषयमा छलफल गरिरहेको प्रवक्ता बुढाथोकीले जानकारी दिए।
-1746009348.jpg)
