सिन्धुलीमा छोराको हत्या आरोपमा बुबा पक्राउ परेका छन्।
४९ वर्षीय छोरा लिलाबहादुर पुर्कोटी सार्कीको हत्या आरोपमा ७९ वर्षीय डोमान सिंह सार्की पक्राउ परेका हुन्।
हरिहरपुरगढी गाउँपालिका-३ चपराडाँडाका डोमान सिंहले घरयासी विवादको क्रममा गल प्रहार गर्दा लिलाबहादुर गम्भीर घाइते भएका थिए। छोराको उपचारको क्रममा मृत्यु भएपछि बुबालाई शनिवार राति पक्राउ गरिएको प्रहरीले जनाएका छन्।
उनको हेटौडा अस्पतालमा मृत्यु भएको हो।
यस घटनामा प्रहरीले थप अनुसन्धान गरिरहेको छ।
