पाल्पामा ट्रकको ठक्कर बाट एक जना पैदलयात्रुको मृत्यु भएको छ।
माथागढी गाउँपालिका–२ फेदीका ५३ वर्षीय टेकबहादुर ढेगाको मृत्यु भएको पाल्पाका प्रवक्ता प्रहरी नायव उपरीक्षक सुनिल मल्लले बताए।
फेदीबाट खहरे तर्फ जाँदै गरेको लु २ ख १४५ नम्बरको ट्रकले बिहीबार राति ९: २५ बजेतिर पैदल यात्रु ढेगालाई ठक्कर दिएको थियो।
घाइतेलाई उपचारका लागि लुम्बिनी मेडिकल कलेज प्रभासमा पठाइएकोमा चिकित्सकले तत्काल मृत घोषणा गरेको थियो। चालक प्रहरी नियन्त्रणमा छ्न्।
घटनाबारे थप अनुसन्धान जारी रहेको प्रहरीले बताएको छ।
