दाङमा टिपरको ठक्करबाट मोटरसाइकल चालकको मृत्यु भएको छ।
मुगु जिल्लाको रुरु गाउँपालिका–६ का ३३ वर्षीय चित्रबहादुर शाहीको मृत्यु भएको जिल्ला प्रहरी प्रहरी प्रमुख एसपी अर्जुन तिमिल्सिनाले सेतोपाटीलाई बताए।
पूर्व पश्चिम राजमार्ग अन्तर्गत लमहीबाट पूर्वतर्फ जाँदै गरेको रा १ ख १९९८ नम्बरको टिपरले विपरीत दिशातर्फ आउँदै गरेको शाही सवार बा ६५ प ६६३३ नम्बरको मोटरसाइकललाई बेलुकी पौने पाँच बजेतिर सिसहनियाँको दोलाई खोला नजिकै ठक्कर दिएको थियो।
गम्भीर घाइते शाहीलाई उद्धार गरी स्थानीय सिसहनियाँ स्वास्थ्य चौकीमा लगिएकोमा उपचारका क्रममा उनको मृत्यु भएको हो।
टिपर चालक प्रहरी नियन्त्रणमा छन्।
