भक्तपुरबाट स्रोत नखुलेको साढे ८ लाख नगदसहित एक जना पक्राउ परेका छन्।
मध्यपुर ठिमी नगरपालिका-९ राधेराधेबाट स्रोत नखुलेको साढे ८ लाख नगदसहित एक जनालाई बुधबार पक्राउ गरेको जिल्ला प्रहरी परिसर भक्तपुरका डिएसपी ढुण्डिराज न्यौपानेले जानकारी दिए।
रौतहट गजुरा नगरपालिका-४ घर भई रातोपुल बस्ने ३७ वर्षीय शशीकान्त चौलागाईले बोकेकोझ झोलाबाट उक्त रकम फेला परेको हो।
उनीबाट एक हजारको ८ सय वटा र ५००को एक सय वटा गरी कुल साढे ८ लाख नगद बरामद भएको हो।
त्यस्तै पाँच वटा एटिएम कार्ड पनि बरामद भएको हो।
उनीमाथि थप अनुसन्धानका लागि भक्तपुर जिल्ला अदालतबाट पाँच दिन हिरासतमा राख्न अनुमति लिइएको छ।
