जिल्ला प्रहरी परिसर भक्तपुरले लोड गरिएको तीन राउन्ड गोली र एक थान पेस्तोलसहित मंगलबार एक जनालाई पक्राउ गरेको छ।
काभ्रेपलान्चोकको पनौती नगरपालिका–१ स्थायी घर भई हाल सूर्यविनायक नगरपालिका–८ रानीकोट बस्दै आएका ३६ वर्षीय प्रेम तामाङले हतियार बोकी हिँडिरहेको छ भन्ने विशेष सूचनाको आधारमा प्रहरीले उनलाई पक्राउ गरेको जनाएको छ।
तामाङलाई उनी बस्दै आएको घरबाटै तीन राउन्ड गोली लोड भएको, 'मेड इन युएसए' लेखिएको पेस्तोलसहित पक्राउ गरिएको प्रहरी परिसर भक्तपुरका सूचना अधिकारी एवं प्रहरी नायब उपरीक्षक ढुण्डीराज न्यौपानेले जानकारी दिए।
म्याद थप गरी मंगलबारै तामाङमाथि थप अनुसन्धान सुरू गरिएको उनले बताए।
