श्रीमतीको हत्या गरेर फरार भएका श्रीमान ४ महिनापछि पक्राउ परेका छन्।
नुवाकोट दुप्तेश्रर गाउँपालिका-७ घर भई काठमाडौं दक्षिणकाली नगरपालिका-६ बस्ने जितबहादुर भन्ने काले तामाङ पक्राउ परेका हुन्।
उनलाई काठमाडौं उपत्यका अपराध अनुसन्धान कार्यालयको टोलीले आइतबार भक्तपुर नगरपालिका-१० छालिङबाट पक्राउ गरेको हो।
उनले गत वैशाख १९ गते उनकी श्रीमती ४५ वर्षीया डोल्मा शेर्पा मृत अवस्थामा फेला परेकी थिइन्। अनुसन्धानको क्रममा तामङले कुटपिट गरी मारेरको खुलेको अपराध अनुसन्धान कार्यालयका एसपी अंगुर जिसीले जानकारी दिए।
'श्रीमतीको हत्या भएकै दिनदेखि तामाङ फरार थिए, लुकीछिपी काडमाडौंमा बस्दै रहेछन्,' एसपी जिसिले भने।
उनलाई थप अनुसन्धान तथा कानुनी कारवाहीका लागि प्रहरी वृत्त कीर्तिपुर पठाइएको उनले बताए।
