दसैं नजिकिएसँगै ललितपुरको गुसिङगलमा दुर्गाको मूर्ति बनाउन व्यस्त देखिन्छन् ५८ वर्षीय बिकाउ पण्डित। उनीसँगै काम गर्ने अन्य कालिगढ पनि व्यस्त छन्।
४१ वर्षदेखि मूर्ति बनाउन थालेका पण्डित अहिले पनि उस्तै फूर्तिका साथ काम गरिरहेको देखिन्छ।
दसैंमा दुर्गा, गणेश, कुमार र सरस्वतीको पूजा गर्ने प्रचलन रहेको हुनाले विभिन्न ठाउँबाट आएका अर्डरका मूर्ति बनाउन उनीसँगै अन्य कालिगढहरू व्यस्त छन्।
घटस्थापनाको दिनदेखि नौ रातसम्म देवी दुर्गा भगवतीको विभिन्न स्वरूपको पूजा आराधना गरिने हुँदा उनीहरू निकै व्यस्त देखिन्छन्।
दसैंको बेला माटो आदिबाट बनाइएका दुर्गा भगवतीको मूर्ति सजाएर पूजा गर्ने प्रचलन जताततै बढेको कारण आफ्नो काम पनि बढेको पण्डित बताउँछन्।
मूर्तिको आकार र सेट अनुसार जसमा (दुर्गा, गणेश, कुमार र सरस्वती) मूर्ति हुने मूल्य चाहिँ ६० हजार देखि ७० हजार सम्म बिक्री हुने पण्डित बताउँछन्।
घटस्थापनाका दिन दुर्गा भगवतीको मूर्ति स्थापना गरेर सप्तमीमा आँखाबाट पट्टी खोल्ने काम हुन्छ। महिषासुरलाई सप्तमीको दिन दुर्गा भवानीले मारेको हुनाले सो दिन मूर्तिको आँखा खोल्ने परम्परा छ। त्यसपछि दशमीको दिन दुर्गा भवानीको मूर्तिलाई नजिकैको नदीमा लगेर विसर्जन गर्ने गरिन्छ।
तस्बिरहरू:
-1727876152.jpg)
-1727876152.jpg)
-1727876152.jpg)
-1727876152.jpg)
-1727876151.jpg)
-1727876151.jpg)
-1727876151.jpg)
-1727876151.jpg)
-1727876093.jpg)
सबै तस्बिर: नेपाल फोटो लाइब्रेरी
-1727876153.jpg)
