धादिङस्थित पृथ्वी लोकमार्गमा सुख्खा पहिरो जाँदा सडक अवरूद्ध बनेको छ।
जिल्ला प्रहरी कार्यालय धादिङका अनुसार गजुरी गाउँपालिका-२ परेवा भीरमा सुख्खा पहिरो खसेको हो।
पहिरो खस्दा दुई तर्फी सडक अवरूद्ध बनेको हो।
सडक खुलाउन सम्पूर्ण सुरक्षा निकाय खटिएको कार्यालयले जनाएको छ।
यस्तै राति नै सडक पन्छ्याउन नसकिने अवस्था रहेको हुँदा सवारीसाधन सुरक्षित स्थानमा पार्किङ गर्न पनि कार्यालयले अनुरोध गरेको छ।
