धादिङको झ्याप्ले खोलामा १६ वटा शव फेला परेको छ।
जिल्ला प्रहरी परिसर काठमाडौंका एसपी नवराज अधिकारीका अनुसार आइतबार दिउँसो १ बजेसम्म १६ वटा शव निकालिएको हो।
नेपाल प्रहरी, सशस्त्र प्रहरी र नेपाली सेनाको संयुक्त टोलीले उद्धार तथा खोजी गरिरहेको छ। अहिलेसम्म चार जना महिला र १२ जना पुरूषको शव निकालिएको हो।
८ वटा शवलाई काठमाडौंको महाराजगन्जस्थित टिचिङ अस्पताल ल्याइएको छ। अन्य बाँकी ८ वटा शव लिन शववहान घटनास्थलतर्फ जाँदै गरेको एसपी अधिकारीले बताए।
यस्तै शनिबारमात्रै सोही ठाउँबाट हायस र बसबाट १४ वटा शव निकालिएको थियो।
-ink-1727591263.jpeg)
