ललितपुरमा नेपाली सेनाको हेलिकप्टरबाट चार जनाको उद्धार भएको छ।
नेपाली सेनाको जनसम्पर्क तथा सूचना निर्देशनालयका अनुसार शनिबार चार जनाको उद्धार गरिएको हो।
ललितपुरको कान्तिपुर कोलोनीमा डुबानमा फसेका दुई जना र कुसुन्ती चोकस्थित डुबानमा फसेका दुई जना गरी चार जनाको उद्धार भएको हो।
अविरल वर्षाका कारण आएको बाढी तथा पहिरोमा परी फसेकाहरूको उद्धार कार्यको लागि नेपाली सेना विभिन्न ठाउँमा परिचालन भएको छ।
काठमाडौं उपत्यकाका विभिन्न बाढी तथा पहिरो प्रभावित इलाकाहरूमा नेपाली सेनाको गणस्तरको फौज परिचालित भएको हो।
-1727511609.jpg)
