मकवानपुर सिस्नेरीमा रहेको अखिल नेपाल फुटबल संघ (एन्फा) एकेडेमीका पाँच विद्यार्थी पहिरोमा पुरिएका छन्।
बिहीबार देखि अविरल वर्षाका कारण कुलेखानीको ड्याम खोलेपछि सुरक्षित स्थानतर्फ जाने क्रममा पहिरोमा परेको एकेडेमी संयोजक सुवासचन्द्र ठकुरीले जानकारी गराए।
‘कुलेखानीको पानी ओभर फ्लो भयो। पाँच विद्यार्थीले छोटो बाटो रोजेर हिडे। तर, उनीहरू नै हिलो माटोमा परे। त्यसपछि बगाएको रहेछ,’ संयोजक ठकुरीले भने।
उनको अनुसार हराएका पाँच विद्याथी मध्ये तीन जनाको शव फेला परेको छ। थपको खोजी कार्य जारी छ।
