गोरखाको पालुङटार नगरपालिकाले लिगलिग दौड र महोत्सव स्थगित गरेको छ।
यही असोज १७ गतेदेखि असोज २१ गतेसम्म प्रथम लिगलिग महोत्सव तथा १२ औं संस्करणको लिगलिगे दौड आयोजना गर्ने नगरपालिकाको निर्णय थियो।
उक्त निर्णयबाट नगरपालिका पछि हटेको छ।
मेयर विवस चिन्तनले विज्ञप्ति जारी गरी लिगलिग महोत्सव तथा दौड स्थगित भएको उल्लेख गरेका छन्।
विगतका वर्षहरूमा लिगलिगकोट विकास अभियानले लिगलिगे दौड आयोजना गर्दै आएको थियो। यसपालि नगरपालिकाले महोत्सवसहित दौड गर्ने निर्णय गरेपछि विवाद देखा परेको थियो।
