कोशी बराजबाट यात्रुबाहक बस खसेको छ।
बिहीबार को १ ख ४६०१ नम्बरको यात्रुबाहक बस सप्तकोशी नदीमा खसेको कोशी प्रदेश प्रहरीका एसएसपी भीम दाहालले जानकारी दिए।
उनका अनुसार बराजको सप्तरीतिरको भागमा बस खसेको हो।
'१२ जना यात्रुको सकुशल उद्धार भइसकेको छ,' उनले भने, 'बसमा कति जना थिए भन्ने यकिन भइसकेको छैन।'
विराटनगरबाट गाईघाट गइरहेको यात्रुबाहक बस खसेको हो। नरसिंह डिलक्स नामको बस दुर्घटनामा परेको प्रहरीले जनाएको छ। बस आफै अनियन्त्रित भई ३५ नम्बरको बराजको ढोकादेखि दक्षिण साइडमा रहेको वाल भत्काई नदीमा खसेको प्रहरीले जनाएको छ।
एसएसपी दाहालका अनुसार सप्तरी र सुनसरी क्षेत्रका प्रहरीले घटनास्थलमा उद्धार जारी राखेका छन्।
