काभ्रेमा गुडिरहेको ट्रक सडकबाट खसेको छ।
बिहीबार दिउँसो १ बजे पाँचखाल नगरपालिका-५ ३७ किलो केराघारीस्थित अरनिको राजमार्गमा धुलिखेलबाट पाँचखाल जाँदै गरेको ट्रक सडकबाट खसेको हो।
बा ५ ख १२८१ नम्बरको गाडी आफैं अनियन्त्रित भएर अन्दाजी ७० मिटर तल खसेको हो।
दुर्घटनामा परी अन्दाजी ३०/३५ वर्षीय चालक घाइते छन्।
घाइतेको उद्धार गरी धुलिखेल अस्पताल पठाइएको छ। उनको टाउको पछाडि र च्यापुमा चोट रहेको छ।
जिल्ला प्रहरी कार्यालय काभ्रेका अनुसार चालकको अवस्था गम्भीर छ।
