बर्दियामा एक जना महिलाको हत्या आरोपमा युवक पक्राउ परेका छन्।
जिल्लाको बारबर्दिया नगरपालिका वडा नम्बर ५ तर्कापुरकी ३९ वर्षीया मीना थारूको घरमै धारिलो हतियार प्रहार गरि हत्या भएको थियो। हत्या आरोपमा बारबर्दिया वडा नम्बर ११ का ४० वर्षीय पप्पु भनिने शिवप्रशाद थारू पक्राउ परेको जिल्ला प्रहरी पवक्ता डिएसपी तुल्सीराम अर्यालले बताए।
मंगलबार मध्यराति सवा १२ बजेर तिर शिव मीनाको घरमै गइ उनीमाथि धारिलो हतियार प्रहार गरेका थिए। घाँटी र टाउकोमा गहिरो चोट लागेकी मीनालाई नगर अस्पताल जयनगरमा पुर्याउनासाथ राति साढे १२ बजेतिर चिकत्सकले मृत घोषणा गरेका थिए।
मीनामाथि धारिलो हतियार प्रहारपछि फरार रहका शिवलाई प्रहरीले राति नै बारबर्दिया वडा नबर ५ सिटीबलेरी क्षेत्रवाट पक्राउ गरिएको डिएसपी अर्यालले बताए।
घटनाबारे थप अनुसन्धान भइ रहेको प्रहरीले जनाएको छ।
