सामाजिक सञ्जालमा हतियार प्रदर्शन गरी समाजमा अराजकता फैलाएको आरोपमा प्रहरीले एक जनालाई पक्राउ गरेको छ।
फेसबुक, टिकटक, इन्स्टाग्राम, ट्विटर लगायतमा किङ अफ पारस भन्ने आइडी बनाएर हतियार प्रदर्शन गरेको आरोपमा पर्साबाट एक जनालाई प्रहरीले पक्राउ गरेको हो।
वीरगन्ज महानगरपालिका-१५ लक्ष्मणवा बस्ने २१ वर्षीय ओमकुमार पटेललाई प्रहरीले पक्राउ गरेको जिल्ला प्रहरी कार्यालय पर्साका डिएसपी दिपक भारतीले जानकारी दिए।
उनका अनुसार पटेलले सामाजिक सञ्जालमा हतियार तरवार देखाएर भिडिओ राखेको र अपशब्द प्रयोग गरी गाली गरेका थिए।
समाजमा द्वन्द सिर्जना हुने काम गरेको भन्दै प्रहरीले उनलाई पक्राउ गरेको हो।
उनीमाथि सार्वजनिक शान्तिविरूद्धको कसुरमा अनुसन्धान अघि बढाएको छ।
