काठमाडौंको बानेश्वरमा एउटा ट्याक्सी खोलामा खसेको छ।
मदन भण्डारी कलेज अगाडिबाट आइतबार राति करिब सवा ८ बजेतिर एक ट्याक्सी चालकसहित खोलामा खसेको हो।
घटनास्थलमा खटिएका प्रहरीका अनुसार भाटभटेनी नजिकैबाट प्रहरीले ट्याक्सी चालकको उद्धार गरेको छ।
ट्याक्सी भने खोलाले बगाएर लगेको छ। अहिले ट्याक्सी सूर्यकार्पेट नजिकै करिडोरको थापाथली-बानेश्वर जोड्ने पुलमुनि अड्किएको छ।
ट्याक्सी चालक आफन्तको जिम्मा लगाउने तयारी भइरहेको छ।
