मकवानपुरमा २२३ किलो गाँजासहित दुई जना पक्राउ परेका छन्।
आइतबार बिहान ५ बजे हेटौंडा उपमहानगरपालिका-१५ रातोमाटेबाट दुई जनालाई २२३ किलो गाँजासहित पक्राउ गरेको जिल्ला प्रहरी कार्यालय मकवानपुरले जनाएको छ।
हेटौडाबाट पथलैया जाँदै गरेको बा २१ च ५२२६ नम्बरको गाडीबाट उक्त गाँजा फेला परेको हो।
चालक धादिङ थाक्रे गाउँपालिका-४ बस्ने ३४ वर्षीय जीवन मगर र गाडीमा सवार ३० वर्षीय प्रदिप क्षेत्रीलाई पक्राउ गरेको हो।
मकवानपुर जिल्ला अदालतबाट १० दिन म्याद थप अनुमति लिएर प्रहरीले अनुसन्धान अघि बढाएको छ।
