नेपाली सेनामा सहायक रथीबाट उपरथी दर्जामा पदोन्नति भएका ध्रुवप्रकाश शाहलाई दर्ज्यानी चिन्ह प्रदान गरिएको छ।
बिहीबार प्रधान सेनापति अशोकराज सिग्देलले जंगी अड्डामा आयोजित एक कार्यक्रमबीच उपरथी शाहलाई दर्ज्यानी चिन्ह प्रदान गरिएको हो।
पदोन्नतिसँगै उपरथी शाह सैनिक तालिम महानिर्देशनालयको महानिर्देशक नियुक्त भएका छन्।
त्यस्तै, महासेनानीबाट सहायक रथी पदमा बढुवा भएका अनुप अधिकारीलाई पनि प्रधान सेनापति सिग्देलले दर्ज्यानी चिन्ह प्रदान गरेका हुन्।
प्रमुख सेनानीबाट महासेनानी दर्जामा प्राविधिक डेन्टिष्ट डा. रिवाज कार्कीको बढुवा भएको हो। उनले पनि दर्ज्यानी चिन्ह पाएका छन्।
