बागलुङमा बान्द्रे खोलाले बगाएका बेपत्ता पुरूष पनि मृत भेटिएका छन्।
मध्यराति बागलुङ नगरपालिका-४ कुडुलेस्थित कुडुलेदेखि मालिका जाँदै गरेको मोटरसाइकल र स्कुटरलाई बान्द्रे खोलाले बगाउँदा दुई जनाको शव फेला पर्दा एक जना बेपत्ता भएका थिए।
ध २ प ८०१० नं.को मोटरसाइकल चालक २३ वर्षीय अर्जुन सापकोटा र मोटरसाइकल पछाडि सवार २२ वर्षीय अविशेक रेग्मी मृत फेला परेका थिए। मोटरसाइकल र स्कुटर पनि घटनास्थल आसपास भेटिएको थियो।
स्कुटर चालक २७ वर्षीय रामु सापकोटा सकुशल भेटिएका थिए। तर स्कुटर पछाडि रहेका २० वर्षीय कमल सापकोटा बेपत्ता थिए।
उनको पनि शव फेला परेको जिल्ला प्रहरी कार्यालय बागलुङले जनाएको छ। शव घटनास्थलदेखि ५०० मिटर तल फेला परेको हो।
मृतकको शव धौलागिरी अस्पताल बागलुङमा राखिएको छ।
