ललितपुरको च्यासलस्थित दोबान खोलाको पुलबाट एक जना किशोरीले हामफालेकी छन्।
आइतबार राति ७ बजे ललितपुर महानगरपालिका-९ च्यासलस्थित दोबान खोलाको पुलमाथिबाट किशोरीले हामफालेको जिल्ला प्रहरी परिसर ललितपुरका एसपी नरेशराज सुवेदीले जानकारी दिए।
उनका अनुसार किशोरी बेपत्ता छिन्। खोजी गर्नेक्रममा पुलमुनीबाट प्रहरीले रूकुम मुसिकोट घर भई बालकुमारीमा डेरा गरी बस्दै आएकी २० वर्षीया अन्जली शर्मा भन्ने नोट रहेको ब्याग र मोबाइल फेला पारेको छ।
किशोरीको खोजी भइरहेको प्रहरीले जनाएको छ।
