मुग्लिन— नारायणगढ सडक खण्डमा यात्रुवाहक बस र ट्रक ठोक्किएका छन्।
चितवनको सिमलताल नजिकै नारायणगढतर्फबाट आउँदै गरेको एआर ०१ ३६७४ नम्बरको भारतीय यात्रुवाहक बस र मुग्लिनबाट जाँदै गरेको ग२ख ११०८ नम्बरको ट्रक ठोक्किएका हुन्।
दुर्घटनाबाट भारतीय बसमा सवार ३ जना यात्रु सामान्य घाइते भएको इलाका प्रहरी कार्यालय मुग्लिनकी प्रमुख निरला भण्डारीले जानकारी दिइन्।
उनकाअनुसार ट्रक चालक सामान्य चोटपटक लागेको छ।
घाइतेहरूलाई नजिकैको स्वास्थ्य संस्थामा उपचारका लागि लगिएको छ।