काठमाडौं उपत्यकामा मंगलबार गाईजात्रा मनाइएको छ।
मंगलबार काठमाडौंको बसन्तपुरमा बाजागाजासहित गाई वा मानिसलाई गाईका रूपमा सिँगारी गाईजात्रा मनाइएको हो।
प्रत्येक वर्ष भाद्र कृष्ण प्रतिपदादेखि अष्टमीसम्म आठदिन मनाइने परम्परागत सांस्कृतिक पर्व ‘गाईजात्रा’ मनाइने गरिन्छ।
सिँगार गरी आ–आफ्ना क्षेत्रमा परिक्रमा गराउने र उनीहरूलाई श्रद्धालुद्वारा दूध, फलफूल, रोटी, चिउरा, दहीका साथै अन्न र द्रव्य दान दिने चलन छ। यसरी नगरपरिक्रमा गर्नाले वर्षभरि मृत्यु भएका व्यक्तिहरू गाईको पुच्छर समाई वैतरणी पार हुन्छन् भन्ने धार्मिक विश्वास छ।
राजा प्रताप मल्लले पुत्रशोकले विह्वल भएकी आफ्नी रानीलाई दुनियाँले पनि यस्तै शोक बेहोर्नुपर्छ भन्ने देखाउन ‘जनतालाई आ–आफ्नो घरका मरेका व्यक्तिका नाममा गाईजात्रा निकाली सहर परिक्रमा गराउनू’ भनी आज्ञा दिएका आधारमा यो पर्व सुरू भएको ऐतिहासिक तथ्य छ। यसबाट पनि रानीको मन शान्त हुन नसकेकाले विभिन्न प्रकारका प्रहसन तथा व्यङ्ग्यात्मक कार्यक्रम समेत गराउने आदेश दिएअनुरूप हास्यव्यङ्ग्यको प्रचलन चलेको हो भन्ने जनश्रुति पाइन्छ।
प्रताप मल्लको पालादेखि प्रचलनमा आएको गाईजात्रा हनुमानढोकास्थित राजप्रासाद (राजदरबार) भएर जानुपर्ने प्रथा अहिलेसम्म पनि कायमै छ। देशका विभिन्न स्थानमा गाईजात्रा मनाइने भएपनि उपत्यकामा यसको विशेष रौनक देखिने गर्छ।
भाद्र कृष्ण अष्टमीका दिनसम्म मनाइने यस पर्वका क्रममा प्रहसन, सामाजिक विकृतिप्रति व्यङ्ग्यात्मक प्रदर्शन, नाचगान तथा मृत व्यक्तिको सम्झनामा रामायणको करुण रसका गीतहरू पनि गाइन्छ।
तस्बिरहरू:
-ink-1724131038.jpeg)
-ink-1724131037.jpeg)
-ink-1724131037.jpeg)
-ink-1724131037.jpeg)
-ink-1724131036.jpeg)
-ink-1724131036.jpeg)
-ink-1724131036.jpeg)
-ink-1724131036.jpeg)
-ink-1724131034.jpeg)
-ink-1724131035.jpeg)
-ink-1724131035.jpeg)
-ink-1724131035.jpeg)
-ink-1724131034.jpeg)
-ink-1724131034.jpeg)
-ink-1724131034.jpeg)
-ink-1724131033.jpeg)
-ink-1724131033.jpeg)
-ink-1724131032.jpeg)
-ink-1724131032.jpeg)
-ink-1724131032.jpeg)
-ink-1724131032.jpeg)
-ink-1724131034.jpeg)
