काठमाडौंमा ओखर खेल्ने र खेलाउने मानिसहरू पक्राउ परेका छन्।
सोमबार साँझ साढे ६ बजे काठमाडौं महानगरपालिका वडा नम्बर ४ चुनदेवीस्थित यमकुमारी आलेको साढे तीन तले घरबाट प्रहरीले ९ जनालाई पक्राउ गरेको जिल्ला प्रहरी परिसर नवराज अधिकारीले जानकारी दिए।
नगद हारजित हुने गरी ओखर (जुवा) खेलाइरहेको भन्ने सूचना पछि जिल्ला प्रहरी परिसर काठमाडौं र प्रहरी वृत्त महाराजगन्जबाट प्रहरीको टोली खटिएको थियो।
उक्त टोलीले ९ जनालाई पक्राउ गरेको हो।
पक्राउ पर्नेहरूबाट १० लाख ११ हजार रुपैयाँ बरामद गरेको छ। त्यस्तै १३ वटा ओखर पनि बरामद भएको छ।
पक्राउ पर्नेमा अशोक लामा, नारायण लाबुङ, किवर देउला, निलेश महर्जन, राजेश श्रेष्ठ, सरिता देउला, दिपक महर्जन, विवेक महर्जन र प्रकाश शाही छन्।
उनीहरूमाथि प्रहरी वृत्त महाराजगन्जले थप अनुसन्धान अघि बढाएको छ।
