गाँजा वैधानिकताको माग गर्दै दुई युवाले काठमाडौंमा आमरण अनशन सुरू गरेका छन्।
सोमबार दिउँसोदेखि काठमाडौंस्थित जय बागेश्वरी मन्दिर डबली परिसरमा दुई युवाले आमरण अनशन सुरू गरेका हुन्।
नेपाल फार्म व्यवसायी संघका अध्यक्ष ऋगेन्द्र गिरी र नेपाल गाँजा वैधानिक महाअभियानका संयोजक अनुबन्ध प्रधानले आमरण अनशन सुरू गरेको एक जना अभियन्ता रबिन्स डाँगीले बताए।
गाँजा वैधानिक हुनुपर्ने मागसहित आमरण अनशन सुरू गरेकाहरूले सर्वोच्च अदालतको आदेशले अग्राधिकार पाएको सार्वजनिक सरोकारको गाँजा सम्बन्धी मुद्दाको सुनुवाई हुनुपर्ने तथा तत्काल फैसलाको लागि दबाव सिर्जना गर्नु रहेको बताएका छन्।
