जनकपुरमा गुडिरहेको रेलले चेपिएर एक युवक गम्भीर घाइते भएका छन्।
शनिबार बिहान अन्दाजी १०:५० बजे जयनगरबाट जनकपुर आउँदै गरेको रेलले जनकनन्दनी गाउँपालिका-३ महुवामा ३० वर्षीय श्रीराम दासलाई चेपेको हो।
जिल्ला प्रहरी कार्यालय धनुषाका डिएसपी रञ्जन अवाका अनुसार गुडिरहेको रेल चढ्ने क्रममा श्रीराम लिकमा खसेका थिए।
उनको दुवै खुट्टाको घुँडामुनिको भाग काटिएको र स्थिति गम्भीर रहेको डिएसपी अवाले जानकारी दिए।
उनलाई तत्कालै प्रादेशिक अस्पताल जनकपुरमा उपचारका लागि पठाइएको र घटनाबारे अनुसन्धान भइरहेको डिएसपी अवाले बताए।
