पौडी खेल्ने क्रममा खोलाले बगाउँदा दैलेखमा दुई जना किशोरीको मृत्यु भएको छ।
शुक्रबार दैलेखको महाबु गाउँपालिका–३ बाँसीका १६ वर्षीया सपना बुढा र भावना बुढाको मृत्यु भएको हो।
उनीहरू बिहान ११ बजे छामघाट खोलामा पौडी खेल्ने क्रममा बगेर बेपत्ता भएका थिए। प्रहरीले खोजी गर्नेक्रममा पौडी खेलेको स्थानभन्दा करिब तीन किलोमिटर तल मृत फेला परेको दैलेखका प्रहरी प्रमुख डिएसपी नवीन दाहालले जानकारी दिए।
उक्त लास खोलाबाट निकालेर पोष्टमर्टमका लागि थप प्रक्रिया अगाडि बढाइएको उनले बताए।
घटनाको बारेमा थप अनुसन्धान भइरहेको छ।