संयुक्त राज्य अमेरिकाको अन्तराष्ट्रिय सहयोग नियोग (युएसएड)ले नेपालमा रहँदाका ६३ वर्षको उपलब्धीबारे जानकारी गराएको छ।
बिहीबार काठमाडौंमा पत्रकारहरूसँगको अन्तर्क्रियामा युएसएडका कार्यबहाक निर्देशक बेथ होगनले ६३ वर्षमा नेपालको स्वास्थ्य,शिक्षालगायत क्षेत्रमा उल्लेख्य सहयोग गरेको बताइन।
कार्यक्रममा युएसएडले नेपाललमा काम गर्ने स्वास्थ्य, शिक्षा, लोकतन्त्र, अधिकार र सुशासन, आर्थिक वृद्धि तथा वातावरण र विपत न्यूनीकरणका क्षेत्रमा गरेको कामबारे जानकारी गराइएको थियो।
युएसएडले गत वर्ष पाँच वर्षभन्दा मुनिका ११ लाखभन्दा बढि बालबालिकालाई पोषणसम्बन्धी कार्यक्रम मार्फत् सहयोग गरेको जनाएको छ।
मलेरिया उन्मुलन, पोलियो तथा भिटामिन एको क्याप्सुल वितरण, बाल मृत्युदरको न्यूनीकरण लगायतमा युएसएडको सहयोगले महत्वपूर्ण भूमिका खेलेको छ।
यस्तै गत वर्ष बाल बिबाह र बालबालिकाको जबरजस्ती हुने विवाह कम गर्न र बालिकाका लागि शिक्षा प्रवर्धन गर्न २००० भन्दा बढि सरोकारवाला व्यक्तिहरूसँग छलफल गरेको पनि यसको तथ्यांकमा उल्लेख छ।
यसैगरि गत वर्ष नेपालका किसान र साना उद्यमीहरूले युएसएडको सहयोगमा ६ करोड ३० लाख बराबरको कृषि उत्पादन बिक्री गरेका छन्।
सन् २०२३ मै नेपाल सरकारलाई २ अर्ब ४० करोड अमेरिकी डलर मुल्य बराबरको १२०० मेगावाट विद्युत उत्पादन गर्ने ११ जनविद्युत परियोजनालाई अन्तिम रूप दिन सहयोग गरेको पनि उसले जनाएको छ। नेपालका सातवटै प्रदेशमा विभिन्न क्षेत्रमा काम गर्ने युएसएडको वार्षिक बजेट साढे १६ अर्व नेपाली रूपैयाँ छ।
कार्यक्रममा ८० प्रतिशत बजेट अनुदान सकारसँग सिधै सम्झौता गरेर दिइने जानकारी पनि युएसएडका कार्यबहाक निर्देशक बेथ होगन दिइन। उनका अनुसार ४० प्रतिशत बजेट सिधै स्थानीय सरकारहरूलाई जाने गरेको छ।
