मन्त्रिपरिषद् समानुपातिक समावेशिता नभएको भन्दै राष्ट्रिय महिला आयोगले ध्यानाकर्षण गराएको छ।
आयोगले मंगलबार प्रेस विज्ञप्ति जारी गर्दै सरकारको ध्यानाकर्षण गराएको हो।
संविधानको भाग-३ धारा ३८ को उपधार-४ बमोजिम 'राज्यका सबै निकायमा महिलालाई समानुपातिक समावेशी सिद्धान्तको आधारमा सहभागी हुने हक' अनुसार मन्त्रिपरिषद् नबनेको उल्लेख गरिएको छ।
असार ३१ गते प्रधानमन्त्री केपी शर्मा ओलीको नेतृत्वमा २२ सदस्यीय मन्त्रिपरिषद् गठन भएको हो।
संविधानमा व्यवस्था भए अनुसार समावेशी नगराएको आयोगको अध्यक्ष कमलाकुमारी पराजुलीले जानकारी दिइन्।
'जम्मा २ जना अर्थात ९ प्रतिशत महिला मन्त्री नियुक्ति भएका छन्, राजनीतिक पाटीहरूबाटै कानुनी व्यवस्थालाई बेवास्ता गरियो,' अध्यक्ष पराजुलीले भनिन्।