पूर्वी नवपरासीस्थित नारायणी नदीमा फसेका दुई जनाको सशस्त्र प्रहरी बलले उद्धार गरेको छ।
शनिबार गैंडाकोट नगरपालिका-६ बुटवल बजारस्थित नारायणी नदीको भंगालमा माछा मार्ने क्रममा फसेका २ जनाको पाँच घण्टापछि उद्धार गरिएको सशस्त्र प्रहरी बलका सहप्रवक्ता डिएसपी शैलेन्द्र थापाले जानकारी दिए।
उनका अनुसार नारायणीमा तीन जना माछा मार्न गएका थिए।
गैंडाकोट नगरपालिका-५ का ३५ का रमेश बोट पौडिएर बाहिर निस्किएका थिए।
५० वर्षीय ओम बहादुर गुरुङ र ४२ वर्षीय खुम बहादुर गुरुङ निस्किन नसकेपछि सशस्त्र प्रहरी बल नेपाल विपद् व्यवस्थापन तालिम शिक्षालय कुरिन्टारबाट गोताखोरको टोली खटिएको थियो।
उक्त टोलीले दुई जनालाई शनिबार राति सवा १० बजेतिर उद्धार गरेको हो।
घटना बारे जानकारी पाए पश्चात् सशस्त्र प्रहरी बल नेपाल नं. ३१ गुल्म पुर्वी नवलपरासीबाट १५ जनाको टोली खटिएको थियो। तर उद्धार हुन नसकेपछि करिनटारबाट गोताखोर पठाइएको थियो।