झापामा मोटरसाइकल दुर्घटना हुँदा एकजनाको मृत्यु भएको छ।
शनिबार बिहान मेचीनगर नगरपालिका-१५ लालझोडास्थित भित्री सडकमा भद्रपुरबाट धुलाबारी आउँदै गरेको प्रदेश १–०१–०१६ प ४१८ नम्बरको मोटरसाइकल आफै अनियन्त्रित भएर दुर्घटना भएको हो।
जिल्ला प्रही कार्यालय झापाका प्रवक्ता डिएसपी कृष्णकुमार चन्दका अनुसार उक्त मोटरसाइकलमा तीन जना सवार थिए।
तीनमध्ये मेचीनगर नगरपालिका-१० का २२ वर्षीय राजीव दनुवारको मृत्यु भएको हो। बाँकी दुईजना गम्भीर घाइते भएका छन् ।
घाइते हुनेमा मेचीनगर–१० का २१ वर्षीय अभिषेक राई र सोही स्थानका २१ वर्षीय विवेक दनुवार छन्। उनीहरूलाई उपचारका लागि अस्पताल पठाइएको छ।
