आइसिसी टी-२० विश्वकपमा वेस्ट इण्डिजले न्युजिल्याण्डलाई १५० रनको लक्ष्य दिएको छ।
बिहीबार बिहान भएको खेलमा टस हारेर पहिले ब्याटिङ गरेको वेस्ट इण्डिजले ९ विकेट गुमाएर १४९ रन बनाएको हो।
त्यस क्रममा सर्फेन रथरफोर्ड ६८ रन बनाएर नट आउट रहे। उनले ३९ बलमा २ चौका र ६ छक्का प्रहार गरे।
अन्य ब्याटरहरू सस्तोमै आउट भएका थिए।
ब्रान्डन किङ ९ रनमा, जोनसन चार्ल्स र रोस्टन चेस शून्यमा, अल्जारी जोशेफ ६ रनमा र कप्तान रोवमन पवेल एक रनमा आउट भए।
निकोलस पुरनले १२ बलमा ३ चौका हानेर १७ रन बनाए।
अकिल होसेनले १५, आन्द्रे रसेलले १४ र रोमारियो शेफर्डले १३ रन जोडे।
बलिङतर्फ ट्रेन्ट बोल्टले ३, टिम साउथी र लोकी फर्गुशनले २/२ तथा जेम्स निशम र मिचेल सान्टनरले १/१ विकेट लिए।
वेस्ट इण्डिजले यसअघि खेलेको दुवै खेल जितेको छ। न्युजिल्याण्डको यो दोस्रो खेल हो।
