न्यूरोडमा सडक डिभिजन र महानगर प्रहरी आमनेसामने (भिडिओ)

सेतोपाटी संवाददाता

काठमाडौं, जेठ २१

काठमाडौंको न्यूरोड क्षेत्रमा सोमबार मध्याह्न केहीबेर तनावको स्थिति सिर्जना भयो।

सडक विभागअन्तर्गत सडक डिभिजन काठमाडौंले सोमबार बिहानैदेखि न्यूरोडमा सडक कालोपत्र गरिरहेको थियो।

काठमाडौं महानगरपालिकाले फुटपाथ विस्तारका लागि काटेको सडक डिभिजन कार्यालयले कालोपत्र गरेको हो। सडक विभागबाट अनुमति नै नलिई न्यूरोडका सडक काटिएको भन्दै सडक विभाग र महानगरबीच केही समयदेखि टसल देखिएको थियो।

मेयर बालेन शाह न्यूरोडमा फुटपाथ विस्तार गर्न चाहन्छन्। यसका लागि महानगरले ठेक्का लगाएर कामसमेत सुरू गरेको छ। तर स्थानीय बासिन्दासँग पर्याप्त छलफलबिनै महानगरले योजनका काम अघि बढाएको भन्दै असन्तुष्टि पनि देखिएका छन्।

सडक डिभिजनले कालोपत्रका काम गरिरहेका बेला महानगरका प्रहरी पुगेपछि न्यूरोडमा सोमबार तनावको स्थिति देखा परेको थियो। न्यूरोडका बासिन्दाले महानगर प्रहरीविरूद्ध नाराबाजी पनि गरेका थिए। तनावको स्थिति देखिएपछि नेपाल प्रहरी पनि परिचालन गरिएको थियो।

न्यूरोडका स्थानीय बासिन्दा अमररत्न बज्राचार्यले काठमाडौं महानगरले इन्द्रचोकको बाटो भत्काएको र सडक विभागले कालोपत्र गर्न लागेपछि तनावको स्थिति सिर्जना हुन पुगेको बताए।

सडक कालोपत्रका काम भइरहँदा महानगर प्रहरीले रोक्न खोजेपछि तनावको स्थिति सिर्जना भएको थियो। महानगर नेतृत्वले घमण्ड देखाउँदै सडक काट्ने काम गरेको उनी बताउँछन्।

महानगरका प्रहरीहरू न्यूरोडबाट फर्केपछि सडक डिभिजनले कालोपत्रका कामलाई जारी राखेको छ। (न्युज एजेन्सी नेपालको सहयोगमा)

यो पनि:

सडक डिभिजनले टाल्यो काठमाडौं महानगरले काटेको न्यूरोड (तस्बिरहरू)

सडक विभागले न्युरोड टाल्न थालेपछि मेयर बालेनको आक्रोश: गिरिबन्धुको कर्तुत लुकाउन विषयान्तर गरियो

महानगरले न्यूरोडमा काटेको सडक दुई दिनभित्र नबनाए के हुन्छ कारबाही?

सडक डिभिजनले काठमाडौं महानगरलाई भन्योः न्यूरोडको सडक दुई दिनभित्र बनाइदिनू

सडक विभाग र सडक डिभिजन कार्यालयको गेटमा महानगरले फाल्यो एक ट्रक धुलो

न्यूरोड क्षेत्रमा फुटपाथ विस्तार गर्दै काठमाडौं महानगर

प्रकाशित मिति: सोमबार, जेठ २१, २०८१ १४:४७

सिफारिस