नेकपा (माओवादी केन्द्र) का उपाध्यक्ष कृष्णबहादुर महरालाई चार दिन हिरासतमा राख्न अदालतले अनुमति दिएको छ।
काठमाडौं जिल्ला अदालतका न्यायाधीश दुर्गाप्रसाद खनालको इजलासले महरालाई चार दिन हिरासतमा राख्न अनुमति दिएको सूचना अधिकारी चन्द्रप्रसाद पन्थीले सेतोपाटीलाई बताए।
महरालाई प्रहरीले सोमबार बिहान पक्राउ गरेको थियो।
उनीमाथि नेपाल प्रहरीको केन्द्रीय अनुसन्धान ब्युरो (सिआइबी) ले संगठित अपराध कसुरमा अनुसन्धान अघि बढाएको छ।
इलेक्ट्रोनिक चुरोट (भेप) मार्फत ९ किलो सुन तस्करी प्रकरणमा उनी पक्राउ परेका हुन्। ९ किलो सुन र ६० किलो सुन प्रकरणसम्बन्धी अनुसन्धान गर्न बनेको जाँचबुझ आयोगले उनीविरूद्ध पनि मुद्दा चलाउन सिफारिस गरेको थियो।
जाँचबुझ आयोगले गत बिहीबार उपप्रधान एवं गृहमन्त्री रवि लामिछानेलाई उक्त प्रतिवेदन बुझाएको थियो। त्यसपछि प्रहरी प्रधान कार्यालय हुँदै उक्त प्रतिवेदन सिआइबीमा पुगेको थियो।
सिआइबीमा अहिले एआइजी श्याम ज्ञवाली प्रमुख छन्। यसअघि जाँचबुझ आयोगले एआइजी किरण बज्राचार्यको कमजोरी औंल्याएपछि उनको सरूवा गरिएको थियो।
यी पनि:
महरालाई म्याद थप गर्न अदालत लगिँदै (तस्बिरहरू)
यस्तो छ महराले यसअघि सिआइबीलाई दिएको बयान कागज
महरालाई ल्याइयो सिआइबी (तस्बिरहरू)
माओवादी नेताको घरबाट पक्राउ परेका थिए पूर्वसभामुख महरा
माओवादी उपाध्यक्ष महरा पक्राउ
-1710758143.jpeg)
