जिल्ला अस्पताल जाजरकोटमा उपचार सम्भव नभएपछि भूकम्पमा परी घाइते भएका तीन जनालाई काठमाडौं ल्याउने भएको छ।
भेरी नगरपालिका तेज विक्रम शाह, नलगाड नगरपालिकाकी उपसना सिंह र कुशे गाउँपालिका एक जनालाई पठाउन लागेको जिल्ला समन्वय सदस्य खडकबहादुर बुढाले जानकारी दिए।
'उनीहरूको ढाड बाँचिएको छ, जिल्लामा उपचार सम्भवन नभएपछि काठमाडौं पठाउन लागेका हौं,' सदस्य बुढाले भने।
उनीहरूलाई नेपाली सेनाको हेलिकप्टरमार्फत काठमाडौं ल्याउने तयारी भइहरेको छ। १०/ १५ मिनेटमा हेलिकप्टर जिल्लाबाट उड्छ।
जिल्लाका स्वास्थ्य चौकीदेखि सदरमुकामका अस्पतालहरू भरीभराउ भइसकेका छन्। त्यसैले आसपासका जिल्लामा विरामी पठाउने काम भइरहेको उनले जानकारी दिए।
रातीदेखि आज बिहान १० बजेसम्म ९ जना बिरामीलाई नेपालगन्ज र सुर्खेत अस्पतालमा पठाइएको छ।
