सरकारले नागरिकता प्रमाणपत्रका लागि निवेदन दिँदा टाँस्नुपर्ने टिकटको पैसा बढाएको छ।
मन्त्रिपरिषद्ले संशोधनसहित पारित गरेको नागरिकतासम्बन्धी नियमावलीअनुसार अब नागरिकता प्रमाणपत्र पाउनका लागि निवदेन दिने नेपालीले १० रुपैयाँको टिकट टाँस्नुपर्नेछ। यसअघि ५ रुपैयाँको टिकट टाँसेर नागरिकता प्राप्तिका लागि निवेदन दिँदै आइएको थियो।
‘अनुसूचीहरूमा रु ५ को टिकट टाँसी भन्ने शब्दहरूको सट्टा रू १० को भन्ने शब्दहरू राखी रूपान्तरण गरिएको छ,’ नियमावलीमा उल्लेख छ।
गत भदौ २९ गते बसेको मन्त्रिपरिषद् बैठकले नागरिकतासम्बन्धी नियमावली २०८० पारित गरेको हो।
गत जेठमा सरकारले नागरिकतासम्बन्धी ऐन संशोधन गरेको थियो। नियमावलीलाई ऐन सापेक्ष बनाउन भन्दै नियमावली संशोधन गरिएको थियो।
यो पनि,
गैरआवासीयले नेपाली नागरिकता लिन ईश्वर, देश र जनताका नाममा शपथ खानुपर्ने
