नेपालमा थप १३९ जनामा कोरोना भाइरसको संक्रमण पुष्टि भएको छ।
पछिल्लो २४ घण्टामा ३९३२ जनामा कोरोना भाइरसको परीक्षण गर्दा १३९ जना संक्रमित थपिएको स्वास्थ्य तथा जनसंख्या मन्त्रालयले जानकारी दिएको छ।
२१३४ पिसिआर परीक्षण गर्दा १२८ र १७९८ जनाको एन्टिजेन परीक्षण गर्दा ११ संक्रमित थपिएका हुन्। हाल नेपालभर ८१४४ सक्रिय संक्रमित छन्।
आइतबार ३९६ संक्रमित निको भएको मन्त्रालयले जनाएको छ।
पछिल्लो २४ घण्टामा संक्रमणबाट एक जनाको मृत्यु भएको छ।
त्यस्तै काठमाडौं उपत्यकामा थप ७४ जना संक्रमित थपिएका हुन्। मन्त्रालयका अनुसार काठमाडौंमा ५३, भक्तपुरमा १२ र ललितपुरमा ९ जना संक्रमित थपिएका हुन्।