कर्णाली प्रदेश सरकारले कोजाग्रत पूर्णिमामा सार्वजनिक बिदा दिएको छ।
प्रदेशभर आज सार्वजनिक बिदा छ।
गत वैशाख १७ को मन्त्रिपरिषदको निर्णयअनुसार मंगलबार सार्वजनिक बिदा दिइएको आन्तरिक मामिला तथा कानुन मन्त्रालयले जनाएको छ।
असोज शुक्ल पूर्णिमाका अवसरमा प्रदेश सरकारले बिदा दिएको हो।
मन्त्रालयले सूचना जारी गर्दै सरकारी तथा सार्वजनिक कार्यालय, शैक्षिक संस्था, बैंक तथा वित्तीय संस्थाहरु बन्द हुने जनाएको छ।
