सिन्धुलीमा मोटरसाइकल दुर्घटना हुँदा एक जनाको मृत्यु भएको छ।
सर्लाहीबाट काठमाडौं आउँदै गरेको मोटरसाइकल दुर्घटना हुँदा चालकको मृत्यु भएको जिल्ला प्रहरी कार्यालयका प्रहरी नायब उपरीक्षक मनोजकुमार लामाले जानकारी दिए।
सुनकोशी गाउँपालिका वडा नम्बर ५ मुलकोटस्थित बिपी राजमार्गमा प्र. २-०३-०१४ प ३४८९ नम्बरको मोटरसाइकल आफैं अनियन्त्रित हुँदा चालकको मृत्यु भएको हो।
सर्लाही संग्रामपुर गाउँपालिका वडा नम्बर २ बस्ने २६ वर्षीय अजमद अन्सारीको मृत्यु भएको हो।
उनको घटनास्थलमै मृत्यु भएको प्रहरीले जनाएको छ। प्रहरीले थप अनुसन्धान अघि बढाएको छ।
