गुण्डागर्दी गरेको आरोपमा प्रहरीले नक्सालबाट एक जनालाई पक्राउ गरेको छ।
पक्राउ पर्नेमा कमलपोखरीका वर्षीय सञ्जय श्रेष्ठ छन्। महानगरीय प्रहरी परिसरको टोलीले श्रेष्ठलाई बिहीबार पक्राउ गरेको हो।
नक्सालमा जग्गा रहेकी उर्मिला कुमारी खड्काले श्रेष्ठविरूद्ध जाहेरी दिएपछि उनलाई पक्राउ गरिएको परिसर प्रमुख प्रहरी वरिष्ठ उपरीक्षक अशोक सिंहले बताए।
सिंहका अनुसार खड्काले श्रेष्ठलाई लिजमा दस वर्षदेखि जमिन दिएकी थिइन्। लिज अवधि समाप्त भएपछि उनले जग्गा छोड्न श्रेष्ठलाई अनुरोध गरिन्।
तर, उनलाई श्रेष्ठले सार्वजनिक स्थानमा गालीगलौज तथा धाकधम्की दिएको, कुटपिट तथा हातपात गर्न खोजेर अभद्र व्यवहार गरेको सिंहले बताए।
प्रहरीले अदालतबाट पाँच दिन थुनामा राख्ने म्याद लिएर श्रेष्ठलाई हिरासतमा राखेको छ।
श्रेष्ठले जग्गामा लगानी गर्ने र पृष्ठभूमि गुण्डागर्दी भएको सिंहले बताए। ‘सुसुप्त रुपमा आपराधिक गतिविधि गर्ने गरेको बुझिन आएको छ,’ सिंहले भने।
