काठमाडौं उपत्यकामा थप ७३९ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार आइतबार थप ७३९ जनामा कोरोना भाइरसको संक्रमण पुष्टि भएको हो।
काठमाडौंमा ५ सय २२ , ललितपुरमा एक सय ५४ र भक्तपुरमा ६३ जना संक्रमित थपिएका हुन्। योसँगै अहिले उपत्यकामा ११ हजार ७८६ जना सक्रिय संक्रमित छन्।
काठमाडौंमा मात्रै आठ हजार ४३० जना, ललितपुरमा एक हजार ९७० र भक्तपुरमा एक हजार ३८६ जना सक्रिय संक्रमित छन्।
आइतबार नेपालमा थप दुई हजार २१२ जनामा कोरोना भाइरसको संक्रमित थपिएका छन्।
पछिल्लो २४ घण्टामा थप दुई हजार २१२ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। १२ हजार १०६ जनाको कोरोना परीक्षण गर्दा सो संख्यामा संक्रमित थपिएका हुन्।
योसँगै नेपालमा अहिले ३९ हजार २९८ जना सक्रिय संक्रमित छन्। यसैगरी एक हजार ८६७ जना कोरोना संक्रमणबाट निको भएका छन्।
पछिल्लो २४ घण्टामा थप ३३ जनाको मृत्यु भएको मन्त्रालयले जनाएको छ। योसँगै अहिलेसम्म संक्रमणबाट थप १० हजार २९२ जनाको मृत्यु भएको छ।
1604140166.jpg)
