नवलपरासीको बर्दघाटमा केहीबेर अगाडि भएको सडक दुर्घटनामा प्रहरी निरीक्षक गम्भीर घाइते भएका भएका छन्।
इलाका प्रहरी कार्यालय बर्दघाटमा कार्यरत कपिल वाग्लेलाई सोमबार साँझ मोटरसाइकलले ठक्कर दिएको थियो।
पैदल हिँडिरहेका प्रहरी निरीक्षक वाग्लेलाई लु१४प ८७५८ नम्बरको मोटरसाइकलले राति ८ बजेतिर ठक्कर दिएको थियो।
मोटरसाइकलको ठक्करपछि गम्भीर घाइते भएका वाग्लेलाई उपचारको लागि भैरहवा मेडिकल कलेज लगिएको इलाका प्रहरी कार्यालय बर्दघाटले जनाएको छ।
मोटरसाइकल चालक सुनवल नगरपालिका वडा नं. १ का दीपेन्द्र पुन मगर पनि गम्भीर घाइते रहेको प्रहरीले जनाएको छ।
