नागार्जुन नगरपालिका वडा नम्बर ७ मा मिनीट्रक पल्टिँदा एक जनाको मृत्यु भएको छ।
बिहीबार चन्द्रागिरिको दहचोक र नागार्जुनको रामकोटको सिमानास्थित एक प्लटिङमा बा ५ ख १८६० नम्बरको मिनीट्रक दुर्घटना भएको हो। दुर्घटनाबाट एक जनाको घटनास्थलमै मृत्यु भएको महानगरीय प्रहरी वृत्त स्वयम्भूका प्रहरी निरीक्षक विकास थपलियाले जानकारी दिए।
उनका अनुसार ढुंगा-गिटी बोकेको मिनीट्रकको ब्रेक फेल हुँदा दुर्घटना भएको हो। सर्लाही लालबन्दी घर भइ काठमाडौंमा मजदुरीको काम गर्ने ३९ वर्षीय सोमबहादुर बलको मृत्यु भएको हो।
मिनीट्रकमा तीन जना जना सवार थिए। दुई जनाले हाम्फालेर ज्यान जोगाएका थिए। सवारी चालक नुवाकोटका सार्की तामाङलाई नियन्त्रणमा लिएको प्रहरी निरीक्षक थपलियाले बताए ।
गाडीले च्यापिएको शवलाई निकाल्ने काम गरिँदैछ।
