गुल्मीमा जीप दुर्घटना भएको छ।
बुधबार बिहान करिब पौने १२ बजे मुसिकोट नगरपालिका वडा नम्बर ४ स्थित सडकबाट खसेर दुर्घटना भएको जिल्ला प्रहरी कार्यालय गुल्मीका प्रहरी उपरीक्षक गोपालचन्द्र भट्टराईले जानकारी दिए।
उनका अनुसार तीन जनाको मृत्यु भएको आशंका गरिएको छ। शान्तिपुरबाट आउँदै गरेको लु १ ज ४५५९ नम्बरको जीप दुर्घटना भएको हो
'कति जना सवार, घाइते र मृत्यु भएको भन्ने यकिन आइसकेको छैन,' भट्टराईले भने, 'तीन जनाको मृत्युको सम्भावना छ। घाइतेहरूले हामीलाई खबर गरे अनुसार तीन जनाको मृत्यु भएको छ।'
अहिले प्रहरीको टोली घटनास्थल पुगेको छ।
